أخر تحديث : الثلاثاء 21 مارس 2017 - 8:37 مساءً

مجرد رأي ف الڭريمة

بوابة القصر الكبير | بتاريخ 20 مارس, 2017 | قراءة

عبد القادر الوهراني
بالرجوع للوقفة الاحتجاجية التي نظمها مهنيو قطاع سيارات الأجرة قبالة المحكمة الابتدائية ضد حكم بإرجاع مأذونية “گريمة” لصاحبها بعد أن انقضت مدة صلاحية استغلالها من طرف المستفيد وِفقا لِعقدٍ موثّق من طرف السلطات المختصة.
أنا كيبانلي لا محكمة و لا وكيل و لا قاضي ما عندو ما يعملك حيت المستفيد من “الگريمة” عندو عقد “من إلى” و نهار تسالا المدة ديال الاستغلال قانونيا مول الگريمة إذا ما بغاش يجدد معاك من حقو و خا كتخلص لزوم كراء المأذونية. ديك “الحلاوة” لي وصلت 30 مليون فالقصر الكبير هي لي كتشجعو يزيد يجدّد معاك عقد الإستغلال و طبعاً “الحلاوة” 30 مليون گاع ما كاين فالقانون يعني “نْوار” و هذا فساد من نوع آخر. و إذا ما بغيتيش تدخل النوار كون أكيد أنه غادي يزولولك الگريمة قانونيا و يجيك من لخر و يقولك عندي ولدي بِطالي و خفت عليه من تشمكير دبا آرلي الگريمة غادي نجيب لها داسيا و نعطي لولدي يتلاها فيها حسن ما يضيع لي الدري. وشدو دبا.
و إذا كانت الوقفة ضد “noire” فالنوار راه كاين بكثرة فقطاع العقار أكثر من قطاع سيارات الأجرة. فبالتالي خص اجهزة أكبر من المحكمة او العمالة تحارب هاد الظاهرة… وأصلا الطاكسيات خصهم يحمدو الله أن الحلاوة واصلة 30 مليون فالقصر فطنجة واصلة 60 منيول😂 غير وريقة “العقد” عاد جيبلها طوموبيل و خلّص لاسورانس و زيد وزيد…
فعلاً خص شي حل جذري لأنه مجرد وريقة مإيگاليزية ساوية 30 مليون غالية بزاااف و مدة الإستغلال ما كتفوتش 12 عام على أبعد تقدير و يدي مول الگريمة گريمتو و إذا بغيتي يجدد معاك بعد هاد المدة غادة تكون وصلت شي 80 مليون ما بقالها والو. واش غادي دخّل هاد الفلوس وتصرف على الإصلاح و الوراق و المازوط لي غير طالع.
مجرد رأي و صافي.

 

أوسمة :

أضـف تـعـلـيق 0 تـعـلـيـقـات



الآراء الواردة في التعليقات تعبر عن آراء أصحابها وليس عن رأي إدارة الموقع