أخر تحديث : السبت 22 يوليو 2017 - 12:36 مساءً

#_ماء_نفط

بوابة القصر الكبير | بتاريخ 22 يوليو, 2017 | قراءة

إبراهيم الحميوي
المغرب الحمد لله دولة غير منتجة لنفط ولا غاز و لكن منتجة لشي حاجة غالية من نفط و غاز الا و هو المياه المعدنية , ربما تجيك غريبة ! و لكن غادي نديرو مقارنة بسيطة وغادي تفهم هذ شي لكنقول !!!
قنينة ماء “سيدي علي او سيدي حرازم… ” من حجم لتر ونصف كتباع عند البقال ب 6 دراهم يعني ب 4 دراهم للتر الواحد .. مزيان ! هذ مياه المعدنية هبة إلهية موضوعة تحت تصرف ديالنا او الشركات لي كتستغل هذ مياه بطرق يسيرة و بدون مجهود , يعني يكفي أنهم كيجيبو قنينة و يعمروها بالماء من مورد (نهر او بحيرة او, آبار ) و يبيعوها لنا ب 4 دراهم لتر يعني 100 لتر كتقام 400 درهم, نديرو تكلفة قرعة بدرهم اذن قرعة لتر ونصف كيربحو 5 درهم من فضل الله بلا تمارة بلا صداع و منساوش بلي كيتصدر خارج ارض الوطن , في الآخير شعب مكيستفد من هذ الثروة المائية ب تا فرنك , اذن نديرو مقارنة مع نفط , نديرو برميل ديال 100 لتر ديال النفط الخام أما البرميل الحقيقي فيه بظبظ 158,98723 لترا أو 42 غالونا،
نديرو متوسط 60 دولار يعني حوالي 500 درهم ورا نفط وصل مؤخرا تا 25 دولار للبرميل , هنا غادي نقولو بلي شركة ديال مياه كتبيع لتر ماء لبقال ب 3 دراهم باش هو يبيعا ب 4 دراهم و يربح ديك درهم يعني كتقام 100 لتر ب 300 درهم مقابل 500 درهم لبرميل النفط فرق 200 درهم مزيان , واجي نشوفو تكلفة ديال نفط كيفاش !
نفط قبل كولشي كدخول شركات تنقيب بالمعدات و الأطر و العمال و دراسات و تنقيب كيطلب وقت يعني زبابل فلوس لي كتخسر و ربما طول مدة و ميلقاو والو , وفي في العقود كنعرفو بلي شركات تقدر تخود في اتفاقية من 70% لفوق ولباقي لدولة مولات النفط , منبعد كيجي تصدير عبر موانئ و مصاريف الشحن و نقل في بواخر و شلاااااااا مصاريف ارا معندك في الأخير كيوصل خصك عاوتاني تكرير ديالو في معامل خاصة باش تخرج منو مشتقاته الا جينا نحسبو هذ تكاليف كاملة غادي يتقام لينا النفط 10 دولارات تقريبا للبرميل(100لتر ) مقابل 300 درهم ل 100 لتر للمياه المعدنية لي غير كيشدو قرعة كيعمروها و يسدوها و اعطي لبنادم اذن هنا كنستنتجوا بلي حنا منكوحين بالفن وبلي الثروة المياه المعدنية غالية مئات المرات من النفط , اذا كان عند الخليج النفط فحنا عدنا سيدي ماء وسيدي القنب الهندي ,
وضيف هذي مع فوسفاط و الثروة السمكية و ذهب …

أوسمة :

أضـف تـعـلـيق 0 تـعـلـيـقـات



الآراء الواردة في التعليقات تعبر عن آراء أصحابها وليس عن رأي إدارة الموقع