أخر تحديث : الثلاثاء 14 فبراير 2012 - 10:32 مساءً

عــروق…الـمـا

الزجال : المفضل الياموني | بتاريخ 14 فبراير, 2012 | قراءة

ديرت المحال
وحضيت من المحال

وغطست
لقيت كلمة…

يلا ماكانت قرطاصة
فيد الحراسة
اش تسوا؟

 يلا ما ضربات الحمام
بين الزحام
اش تكون؟

خرجت من الما
فودني خلالة

عيني ضرباتها
جلالة

وخدي سقاتو من لعمر
شلالة

من صغري
فهمت المعقول
ماكان دري

حطيت دماغي فخيالي
فاس

حفرت حروف
بلا قياس

جبل عصرتو عطاني
كاس

لقيت راسي ك سرفراف
ضعيف الصحة ولكتاف
توقفني مانوقاف

تمشيني مانمشي

عفاك ياحرفي ماتخلينيش
زحاف

مانبغيك ممسوخ ولا كذاب
نبغيك تمرمد منقار لغراب
ف التراب

انا فعارك يا حرفي
انت اصلي انت عرفي
عطيتك نيتي اعطيني صرفي

لاتكون بودينة
وتنوض الروينة
غ لخبار لي سمعتيه تعاودو

كن عوينة
نسكي ونشرب منك
ونكلس فجنبك ونهاودو

رني ضهرت ف جبل صرصر
من عرق صافي مقطر
تعذبت ف القصر
شفت ف سبتة قبر

ورشيت ف طنجة جنب لبحر

عفاك يا حرفي لا تزيد تقهر
عفاك ياحرفي لاتزيدني قهر

أوسمة :

أضـف تـعـلـيق 0 تـعـلـيـقـات



الآراء الواردة في التعليقات تعبر عن آراء أصحابها وليس عن رأي إدارة الموقع