أخر تحديث : السبت 8 نوفمبر 2014 - 1:00 صباحًا

حصار..الما

الزجال : المفضل الياموني | بتاريخ 17 فبراير, 2012 | قراءة

 www.ksarforum.com_photos_writers_yamouni

شكون يحصر الما..اذا هرق؟

شكون شاف الرعده
…….قبل لبرق؟
شكون شاف الدري فيا غرق؟
شكون يكر يقول:
الحق؟

القلب اذا بياض شعل
الحرف ف دواخل
لقصيده شرق

وا لعداوا..!!!!.
ها لعار الجواد
هاني من عروقي هواد
و حالف فيا الحي
حتى ينطق

نخرج مني نتبرى مني
نباعد عليا
نديني معايا/نموت حدايا
حتى نخلق

نكون/ف الكون
حاجه
بروح و جوج عيون
بقلب مداوي الجره
بسر مدفون

يا الواقف ف البال انا هنا ما هاني
نغني بلساني بقلبي نطرز لمعاني
يا لواقف ف البال
قلب وجهك عليا
يبان الحال
خليني نطير مني نتفك من الجوف
خليني نخرج خلعه من فم الخوف
خليني نهرق من هذ لعيون
خليني نعاود نسبغ العالم
لي يانا به مفتون…

المفضل الياموني
2011/10/27

 

أوسمة :

أضـف تـعـلـيق 0 تـعـلـيـقـات



الآراء الواردة في التعليقات تعبر عن آراء أصحابها وليس عن رأي إدارة الموقع