أخر تحديث : الإثنين 7 مايو 2012 - 6:22 مساءً

قصيدة زجل تحت عنوان: هم الدنيا هموم

نور الهدى الغنيمي | بتاريخ 7 مايو, 2012 | قراءة


سِيري يَا لِيامْ سِيري

ما كين ربَاحْ وَرِيتيني

نْهَارْ لي حَليتْ عَيْنِي

حَزْمُوهَلِي بحزَام اكْحل.

قَلْبي غْرَقْ هْمُومْ

و دْموعي عَمْرتْ الوِيدْيَان

و سْقِيتْ بِها لْجْنَانْ

مَاكِينْ لا سِلْمْ و لا أمَان

غِيرْ الظُلْمْ و النِسْيَانْ.

شْكِيتْ عْلِيكْ يَا لْحَجْرَةْ

وْ ما سْمَعْتِينِي

شْكِيتْ عْلِيكْ يَا الشَجْرَةْ

وْ مَا نَادِيتينِي

بْكِيتْ عْلِيكْ يا لْبْحَرْ

وْمَا شَافِيتينِي

لْمَنْ ياربي نْشْكِي هَمِي

ما بْقى لِيا لا حْبيبْ ولا شْقيقْ.

حِيثْ ما بِينْ الشْدة و الضيقْ

كَايْبَانْ لعْدو من الصْدِيقْ

أوسمة :

أضـف تـعـلـيق 0 تـعـلـيـقـات



الآراء الواردة في التعليقات تعبر عن آراء أصحابها وليس عن رأي إدارة الموقع