أخر تحديث : الثلاثاء 15 يناير 2013 - 11:37 صباحًا

حلمة واقفه من الزمان حسكه…

الزجال المفضل الياموني | بتاريخ 15 يناير, 2013 | قراءة

من شحال هذي وهي واقفه..

تحت الشفر…تاتساين شي قصيده تخرج

وهي تاتهضر….

فاتحه عينها تاتشوف
هربانه من جهة الخوف

بلا حيحه ..

(بلا)…ب لا …ب لا..ب لا
……….
تاتحنزز ف الحال الليل

وما طال

أنا اللي سهيت وانا ماشي ف الهضره..

جاراني عيني الداخلانيه/بالنيه

حتى سرطني لساني ومضغني

هذ لخيال..بلا(ء)

وبلعتني لمعاني ..كيه بكيه

ياسلام…..!

ملي تايغيبوا الحكما(ء)

تيحقنزوا السفها(ء)

عل ضهر الكلام….

وتيزرعوا الخــــــــــــــــــلا(ء)
……….
من شحال ….

وانا باغي نقول شي سكات

علاش ساكت …؟

من شحال هذي..وانا بهم ولا بيا

باغي نقلع من بين ضلوعي

شي دغل نابت ….
……………..
ماجيتشي نتفلعص بالهضره

على الحرايفيه…

ماجيتشي باش نقول تنعرف ندوي

جيت نفضح الدواخل ..

ونبرد لغدايد …مني وعلي..

بغيت نقول داكشي اللي تانقولوا غير ليا..

نهار اللي خرجت مني

وانا على كتاف نيتي

نيه..

بغيت نعطيني للريح../حجه

بسميه..

بغيت يبان المكوي…فيا

من النهار اللي عشقتني الشمس..

ثقبت….

دواخلي وخليتوا يتنفس…

حتى شافني ..

الحال

تانبوس لقمر

وفهمني الهمس

رمت المعقول…..

عرفت بقى فيا غير لقليل ف العمر..

ورغبت مالين الحال

هالعار…

سلفولي شي يامات…

حتى يعرفني التاريخ بلي كنت للماجي

بلان..

هالعار..!

غير غدا يقراني ..فلان بن فلان….

كان للمعنى …سلطان

كلمته..صح من لحجر..

تاتنطق بلا لسان

ناضيه…

حرفها ماضي…تايشوط..

بالبروده..

عل الدل ماراضي..

هذا علاش ؟

كرهوه شي قروده..

زوين ويبغي الزين…..

هالعار ….

بغيته يعرف..التاريخ

بلي راني فعنقه

دين..

أوسمة :

أضـف تـعـلـيق 0 تـعـلـيـقـات



الآراء الواردة في التعليقات تعبر عن آراء أصحابها وليس عن رأي إدارة الموقع