أخر تحديث : الأربعاء 5 فبراير 2014 - 12:46 صباحًا

بوفعايل مذمومة

ذ. سعيد نعام | بتاريخ 5 فبراير, 2014 | قراءة

كان يا مكان
ف بلاد الإنس والجان
مخلوق قبيح
بحالو م كان
الكذوب والتحرميات
منو م خلت
ف السما طارت وعلات
خذاها شعار ف حياتو
م ظنيت تنجيه يوم ابعاثو
بوفعايل مذمومه
قوالو ديما مسمومه
والحقوق عندو مهضومه
م الراحة بسبابو
ناس كثيرة محرومه
غضابو بلا سباب
يقلبلو العقل والمجاج
ويخليه بحال البحار إلهاج
م يتق جوره
م يخاف م يعرف حشومه
لسانو عاري وطويل
م فلت منوحد
لا ف العمل ولا ف الحومه
خدمتو ناقصه مردومه
م بغى يصلح عيوبو
و يرجع لطريق المحموده
ف التيه والضلال ماشي
صورتو عاوجه مهزوزه
ف اعراض الناس
سنانو ماضيه مركوزه
ف الفهامه تحسبو علامه
الجهل على جبينو علامه
واللي ف راسو ف راسو
ولو ترفع عليه دعوه عند الحكومه

أوسمة :

أضـف تـعـلـيق 0 تـعـلـيـقـات



الآراء الواردة في التعليقات تعبر عن آراء أصحابها وليس عن رأي إدارة الموقع