ثقافتي بيك فخورة

حنا ولاد و بنات المغرب
بينا يتألق.
انا، انت و انتي
على حبه ما نتفرق.

يا هذا يا هادي
هذه هي بلادي
الجبال، الوديان
و الصحرا
لصلة الرحيم
مازلت تنادي.

من القصر الكبير
ارض الخير و الخمير
ارضي و ارض أجدادي
نبعثلكم رسالة
بالحب
وخا العين
بدموع سيالة
و التهميش فيها بادي.
في التاريخ ديما حاضرة
صامدة فوجه الاعادي.

ثقافتي بيك فخورة،
فبلاد الناس راكي مشهورة.
طبخ، صناعة تقليدية
نخليها لأولادي.
رياضة، فن، كتابة
و الشعر للسلم بيه انادي.

بلادي يا بلادي
يا ارض جدودي
و اكبادي
للعالي نهزوك الفوق
بالروح و بالأيادي.

ثقافتي بيك فخورة
مغربية حرة
ضاربة في عمق الجذور
خالدة، صيتها قاطع البحور
مثال للجمال و الجود
تبقى لهذاك و لهادي.