أخر تحديث : الأربعاء 17 يونيو 2015 - 10:43 صباحًا

ريحة المعنى ف الكلام

المفضل الياموني | بتاريخ 17 يونيو, 2015 | قراءة

www.ksarforum.com_photos_writers_yamouni

داز من فوق كليماتي الوقت
سمعت جلدهم كايتشوطوا
سمعت شي عياط
سمعت ضلوع حروفهم كايطرطقوا
شميت ريحة الشياط
يحيني يالحرف …
حتى ندوز مع رقبة الزمان..
حتى ندوز
من تحت اللسان
بلا طبال بلا غياط
حتى نعلم طريقي
تمشي ف الطرقان ….بجلابه وسباط
يحييني يالزمان
حتى ندوز شعا
تابع كلمه
وكلمه تابعه حلمه
وكل حلمه قطره
تفيض الوديان
حييني ياكلمتي
ويلا ماقديتي تحييني
غير خليني
نزبر هذا اللسان
حييني من شهقتي
اللاخرانية
من جلدتي الفوقانية
من الغربة
من الضيق
من الوحدانية
المهم…
حييني إنسان
حييني كلمه راسها
لفوق
وحروفها صيكان
معانيها عروق
وأنا اللي نكن لها عنوان
حييني
داخل سوق وخارج سوق
طالع هابط روح
عاتق روح
من روحي
ناطق بوح..
بالسكات منطوق

خليني ماشي .
ماجي دم ف العروق
مخيط جروحي
مخرج السلكه
وماسح اللوح
بلا هيلاله بلا بوق
بلا سيدي زكري بلا عمهم موح

أوسمة :

أضـف تـعـلـيق 0 تـعـلـيـقـات



الآراء الواردة في التعليقات تعبر عن آراء أصحابها وليس عن رأي إدارة الموقع