أخر تحديث : الأربعاء 15 أكتوبر 2014 - 11:37 مساءً

لَيْـــلاَيْ

محمد نبيل العلمي | بتاريخ 15 أكتوبر, 2014 | قراءة

ليلى يا حْبيبتْ قلبي
فيك هْنايا و فيك عذابي
نْتِي دْوَايَا و مَاسْحَا ذْنوبي
نْبوحْ بلِّفيا و عْلاش نْخَبي
قلبي لْمسكين فْهواك ذابْ
كان مْعاك حاضر و لا غابْ
نْعتوني و قالو نْتَا كذاب
حِيثْ شَافُوني فْلغرام جداب
قُلْتلهم أنا مْعَ قلبي صادق صْريح
فْشوق بْلا حْدود هايم سْريح
نْتِي روحي و عقلي يا لْبَدْر لْمليح
فْلرمل الشط و لْبحر لْفسيح
لِيل طل و رْخا سْتارو
بْفظلو عشنا لْوصال وْ نَارُو
لاحْ لْقمر فْسماه سابحْ فْنوارُو
وَ نَا مْعَ حْبيبتي نْحكيوْ سرارُو
ليلى يا لَيْلايْ للبالْ خارْقَا
وْ لْخواطر ديما صورتها عاشْقَا
تْفارقنا و قْلوبنا بْقاتْ مْعَنْقا
وْ رْجاعنا لْحالنا وْ لْعهود مْتْوثقَا

أوسمة :

أضـف تـعـلـيق 0 تـعـلـيـقـات



الآراء الواردة في التعليقات تعبر عن آراء أصحابها وليس عن رأي إدارة الموقع