أخر تحديث : Monday 20 October 2014 - 9:45 PM

حلمة بالبي..لوكا

المفضل الياموني | بتاريخ 20 Oct, 2014 | قراءة

كالسه لهيه كاتساين ف هنا ..
هنا كالس لهيه
وعقله هنا ..
…بين هنا ولهيه
كاتشمي الف سنه وتجي ألف سنة…
ديال المحنة …
الضلوع طريق
والحساير قناطر …
…..
ملي رشاوا الضلوع, طاحوا القناطر..
عركت الشوفه …
حصلت ف الشفر..
مالقات منين تدوز …
باش تشد ف الصبر ..
وكات عل آح ..
تزلزل كلشي,كلشي طاح ..
هاج اللي هاج
هرق اللي هرق ..
راح اللي راح ..
تشوط اللي تشوط ,تحرق اللي تحرق
ساح اللي ساح ..
الحلمه شرفت ,كبرت عل الزمان
الفرق بينتهم بان ..
وتفرقت بينهاتهم الطرقان
تسالا كلشي…
ف كان ياما
كــــــــــــــــــــــــــــــــــــــان….

أوسمة :

أضـف تـعـلـيق 0 تـعـلـيـقـات



الآراء الواردة في التعليقات تعبر عن آراء أصحابها وليس عن رأي إدارة الموقع