أخر تحديث : السبت 31 يناير 2015 - 9:25 مساءً

إعترافات شفار

جمال البكاي | بتاريخ 31 يناير, 2015 | قراءة

www.ksarforum.com_photos_writers_jamal_bekkai

الله يسمحلي ..يام لِّيسِي كنت كندخل للقهوة كنهبَّط أتاي..كنْعَرَّم الجورنال ديال القهوة حدايا.. وكنبدا نقلب على المواضيع الأدبية والثقافية والقصائد الشعرية والقصص.. كنحدد الصفحات لي باغي.. ومنين كنشوف النادل غْبَرْ على عيني كنبدا نسرق داك الصفاحي باش نديهم للدار نقراهم.. منقولكومش أخوتي واحد النهار حصلني السرباي متلبس ..حشمت بزاااف وتمنيت الأرض تصرطني ..لكن المفاجأة هيا أنا هاد السرباي عطاني الجرائد كاملا وقالي ديهم راه غير كنمسحو بيهم الجاج ..من داك النهار وليت كندِّي الجرائد بوجهي حمر.. واحد المرَّا سولني فين كنقرا.. قلتلو سانكيام أداب ..قالي مزيان دابا نجيبلك شي كتوبة ديالي.. سولتو علاش نتا كتقرا ..قالي ساليت ..ديت الماستر فالأدب العربي ..مدازتشي بزاف تا مبقاش خدام فالقهوة ..سولت قالولي ولا أستاذ فأزرو ..فرحتلو ..ومن داك النهار مبقيتش نمشي لداك القهوة ..وعفا عليا الله من الشفارة .. خوتي راه بوحدكم لي عارفين سترو ما ستر الله..ツ

أوسمة :

أضـف تـعـلـيق 0 تـعـلـيـقـات



الآراء الواردة في التعليقات تعبر عن آراء أصحابها وليس عن رأي إدارة الموقع