أخر تحديث : السبت 13 فبراير 2016 - 6:28 مساءً

الفَاتِيفْلوغي

جمال البكاي | بتاريخ 13 فبراير, 2016 | قراءة

 

www.ksarforum.com_photos_writers_jamal_bekkai

الفاتيفلوغي .. هوا الإنسان لي كيفيق فالصبح باش يصور راسو وهوا مغمض عينو ويديرها فالفايسبوك .. من بعد ربع ساعة كيصور راسو كيفطر ورافع شارة النصر بحال شي معتقل سياسي وكاتبلنا مرحبا بيكم .. كتدوز 20 دقيقة كيصور راسو مريح فقهوة وكاتب قهوة الصباح .. كتدوز قسمين كيكتبلنا .. الحياة رائعة .. من موراها شي شوية كيكتب الحب جميل .. منين كتوصل للوحدة لارب كيكون دار 8 ديال المنشورات .. مافيهوم تا جملة مفيدة .. مع الجوج وقسمين كيصور راسو كيتغدا وكيعرض علينا .. كتوصل للجوج ونص كيكتب أنا مريض دعواتكم .. منين كتوصل الوحدة د الليل كيكون نشر 19 منشور آخر واحد كاتب فيه مللت من الفايسبوك وسأعتزله .. تصبحون .. وغدا مع الطناش كيصبح علينا بمنشور فيه صباح الخير لجميع الصديقات .. المهم الفاتيفلوغي مكيتقاداش ..
النمودج الفاتيفلوغي كيتضامن مع عبد الرحمان مول الزفت والقاضي الهيني و الطنجاوي مول الذهب وبنكيران والأساتذة المتدربين و طلبة الطب .. المهم كل قضية يمكن يربح منها الجيمات ها هاوا معاها .. قريبا الإنسان الفاتيفلوغي غادي يمشي لمعرض الكتاب ويتصور تماك 67 صورة رافع فيهوم شارة النصر ويحطهوم فالفايسبوك ويكتب الكتاب أفضل صديق والقراءة غذاء العقل .. والحقيقة أنه عمرو قرا تا قصة جحا واللص الذهبي .. السلاك مع بوحناك …

أوسمة :

أضـف تـعـلـيق 0 تـعـلـيـقـات



الآراء الواردة في التعليقات تعبر عن آراء أصحابها وليس عن رأي إدارة الموقع