أخر تحديث : السبت 13 فبراير 2016 - 6:55 مساءً

الفراجة بدات

أحمد الدافري | بتاريخ 13 فبراير, 2016 | قراءة

eddafri

حسب الأخبار لي جابها لينا سي الجيلالي بنحليمة الصحافي ديال الأحداث، سي صلاح الدين مزوار الوزير ديالنا في الخارجية، لي عوض سي العثماني ديال العدالة والتنمية من بعد ما خرج شباط الوزراء ديال الاستقلال من الحكومة، كيقول اليوم أمام التجمعيين فالصخيرات بلي الحزب ديالو متآلف مع الحزب ديال ابن كيران، ولكن ما متحالفش معه. وكيقول ثاني بلي الحزب ديال ابن كيران فيه الناس كيقسموا المغاربة إلى جوج فئات، فئة مزيانة حيت كتأيدهم، وفئة خائنة حيت ما متافقاش معهم، وفيه أشخاص كيهاجموا الحياة الشخصية ديال الناس، وعندهم منطق خطير ديال الهيمنة، كيتعارض مع الديمقراطية. خلاصة القول الحزب ديال ابن كيران خايب والحزب ديال مزوار مزيان. وبطبيعة الحال سي مزار ما كانش ممكن يقول هاذ الكلام قبل ما تبقى غير سبعة شهور على الانتخابات التشريعية، لي كل واحد من الأمناء العامين ورؤساء الأحزاب لي غادي يشارك فيها كيحلم يولي رئيس الحكومة.
عنداكو تغلطو. مزوار فقط متآلف، وماشي متحالف….

أوسمة :

أضـف تـعـلـيق 0 تـعـلـيـقـات



الآراء الواردة في التعليقات تعبر عن آراء أصحابها وليس عن رأي إدارة الموقع