أخر تحديث : الأحد 18 يونيو 2017 - 1:48 مساءً

الاعتقال في المغرب …

بوابة القصر الكبير | بتاريخ 18 يونيو, 2017 | قراءة

يوسف افليفلو
بمجرد يتقبطو عليك صحاب الحال، بعدما يكون حطوك فالائحة السوداء. تبدأ المباراة بتسديد اللكمات والطرش والبصق من كل جهة ومنين يعياو كيبداو يسبو فطاسيلتك وطاسيلت طاسيلتك ومكين غير من السمطة لتحت، منين يساليو يبداو عليك ليوما نكلسو موك على القرعة، ليوما نح… موك، ليوما … كتوصل الكوميسارية كيتسقبلوك بالصلاة والسلام وكيجي الفريق الثاني، هو هذا، هذا هو وتبدأ عملية النفخ والسلخ والسب من جديد، يجي فريق ثالت لا لا مضربوهش، مالك شكون ضربك. بلاتي … وحتى نتوما أصاحبي كتقلبو على المشاكيل… وبعد ساعات يجي واحد خونا ويبدا يصور فيك من ليمن من الشمال من لفوق من اتحث … سير جلس رافين. وبعد ساعات أخرى يبدأ سين وجيم ( باك موك جدك فين قريتي فين ساكن شكاتاكل شنو كتلبس، واش عندك انتماء سياسي، واش ….) منين كيسالي كيمدلك محضر نزل من السما، وقع. لا … رفض التوقيع متعنتا. سير تجلس، هانتا تما حتى الجوج ديال الليل، كيهبطوك للسيلول مع المجرمين. ليللتان سوداء … كيحيلوك على وكيل الملك، نفس التهم اللي نزلت من الطيارة كيولي يسمعهالك، كتنفي داكشي جملة وتفصيلا، وبعد نقاش هيئة الدفاع ووكيل الملك يتم رفض طلب متابعتك في حالة سراح مع أن جميع الضمانات متوفرة ورفض إجراء خبرة طبية رغم أن آثار الضرب بادية عليك، يأمر بإيداعك السجن مع إحالتك على قاضي التحقيق من أجل تعميق البحث. وبعد سلسلة ماراطونية من السجن إلى قاضي التحقيق ومن هذا الأخير إلى السجن يتم الإعتماد على محضر الضابطة القضائية حرفيا مع إلمصادقة والتأشير عليه طبعا. ومحضر الضابطة القضائية لا يمكن الطعن فيه إلا بالزور وهذا قد يكلف المحامي الطرد من هيئة المحاماة لأنه يستحيل إثبات ذلك … ليبدأ فصل آخر من الجلسات في المحكمة بين التأجيل وتقديم الدفوعات والملتمسات ورفض كل الطلبات من أجل المتابعة في حالة سراح … جلسة وإثنان وثلاث …
يرن الهاتف، عطي لمو …..

أوسمة :

أضـف تـعـلـيق 0 تـعـلـيـقـات



الآراء الواردة في التعليقات تعبر عن آراء أصحابها وليس عن رأي إدارة الموقع