السلام عليكم
كلنا كنعارفو طبق البايلا الاسباني المشهور و الغني بمجموعة من المواد الغذائية من أرز و اسماك و دجاج و خضر وتوابل وغيره . اليوما كنقترح عليكم طبق بايلا ماشي الاسباني وانما تقريبا بحالو ، من حيث الطعم ما كايناشي اختلاف ومن حيث العناصر المكونة للطبق اكيد هناك اختلاف ، ولعل الفرق اننا ف طبقنا هادا اعتمدنا على مكونات من شأن كل بيت التوفر عليها بشكل اعتيادي وربما ما يحتاجشي يمشي ن السوق .
المهم نبقاو مع الطبق :
المقادير :
رابعة أو نص كيلو راوز مصلوق ومصفي جانبا
فلفل مقطع مربعات
بصلة مقطعة مربعات صغار
قطع د الحوت و الدجاج او حاجة منوم
ضامة د البنة
حمرة ، خرقوم ، ملح ، زيت ، سكينجبير ، يبزار
الطريقة :
كنشحرو العناصر اللي عندنا ف طنجرة ، نمرقو ونخليوها تطيب . من بعد نضيفو الراوز المصلوق للعناصر اللي طابت ونخلطو الكل ثم ندخلوه ن الفران يتحمر شوية ويتشرب المرق ويقدم .
بالصحة و الراحة
اشارة : يمكن مضاعفة الكمية د المقادير حسب الحاجة .
والموجودة أسفل كل مشاركة. إدارة منتديات القصر الكبير.
طبق * بايلا * بطريقة اقتصادية وسريعة
العرض العادي
