أخر تحديث : السبت 7 مارس 2020 - 10:25 صباحًا

ف القصر الكبير _ زجل

قلت : لسيدي ميمون
فرش لي فين نكون
طلقت لقصيدة
عل الضس وكلست
حدا سيدي بورمانة
تمديت
عل وذني ونعست
فقت عل الكانة
لقيت راسي خارج من راسي
لقيتني حدا راس الزمان

داز الحال ,من شارع من مولاي بوغالب
كايقول:
آه عل القصر كيف كان.؟
نزل الوقت لابسني
,ف باب المحطة
وعلق حوايجه ف السكرينية
،،،
بوذني سمعت النهار
هارب
قدامي داز الليل
شارب
بعيني شفت الصباح ف لاكار
د مولاي المهدي
مع الفجر مضارب
السر بصاكه
كايسول على التران
ديال طنجة..
ملي حسيت بالعيا
جمعت شوفتي وشديت الكار
وعيطت عل بوعراقية .

أوسمة :

أضـف تـعـلـيق 0 تـعـلـيـقـات



الآراء الواردة في التعليقات تعبر عن آراء أصحابها وليس عن رأي إدارة الموقع